Sujet 1964:

 Die 6. AHV-Revision

 (zum 6. mool Alles Hohli Versprächige)

Vorryter:

 kenne mr ys mit dr AHV-Ränte nit laischte

Vordrab:

 lauft dr Bundesroot Hanspeter wo sich under 's Volgg  mischt, um z'luege, ob ihn die 6. Revision populär macht. E  Hämpfeli alti Fraueli wo in dr Hoffnig sin, dass die neii Ränte  ändlig so hoch sig, dass me nimme verhungere muess

Requisite:

 Ains zaigt, was me sich mit dr neije Ränte hoffentlig alles  kaufe ka, 's ander stosst e Fraueli wo glaubt, es miesst fir dr  Iberschuss Ändi Monet e Panzerschrank aschaffe

Ladärne:

 zaugt vorne's Märli vom beschirmte Alter, und hinde goht's  Märli wyter

Pfyffer:

 (kaini) kenne nit mitmache, si läbe vo AHV-Ränte und sin  wäge dämm nimme marschtichtig

Dambourmajor: 

 isch dr Bundeswaibel als AHV-Nigginäggi

Drummler: 

 sin Räntebeziger, wo no-ne bitzeli Ersparts gha hän

Wage:

 Niemerem sage, 's längt au nit fir e Wage